खेती सुझाव
नेपालमा जैविक खेती: सुरुवात गर्ने तरिका र मुख्य फाइदाहरू
२०२६ मे २२ 7 मिनेट पढाइ
अफ्रिकन स्वाइन फिभर किन यति खतरनाक छ?
अफ्रिकन स्वाइन फिभर लाग्दा सुँगुरमा उच्च ज्वरो आउने, शरीरमा निलो धब्बा देखिने, सुँगुर एकै ठाउँमा झुम्मिएर बस्ने, छेर्ने जस्ता लक्षण देखिन्छन्। संक्रमण दर उच्च हुन्छ र मृत्युदर सत प्रतिशतसम्म पुग्न सक्छ। सबैभन्दा ठूलो समस्या के हो भने यो रोगविरुद्ध हालसम्म खोप छैन, र रोग लागिसकेपछि प्रभावकारी उपचार पनि छैन — त्यसैले जैविक सुरक्षा नै एकमात्र भरपर्दो जोगाउने उपाय हो।
फार्ममा अपनाउनुपर्ने जैविक सुरक्षा नियम
- प्रवेशमा निःसंक्रमण: फार्ममा प्रवेश गर्नुअघि सधैं राम्रोसँग निःसंक्रमण गरेर मात्र प्रवेश गर्नुहोस्। यो नियम भ्रमणकर्ता, कर्मचारी सबैका लागि लागू हुन्छ।
- दाना उमालेर मात्र खुवाउनुहोस्: सुँगुरलाई खेर गएको वा भान्साबाट बचेको खानेकुरा खुवाउनुपर्दा कम्तीमा आधा घण्टा उमालेर मात्र खुवाउनुहोस्।
- जंगली सुँगुरसँग सम्पर्क रोक्नुहोस्: जंगली सुँगुर, बँदेल र घरपालुवा सुँगुर सिधै सम्पर्कमा आउन नदिने व्यवस्था गर्नुहोस्।
- आवत-जावतमा नियन्त्रण: फार्ममा मानिस र सवारी साधनको अनावश्यक आवत-जावतमा रोक लगाउनुहोस्।
- बिरामी सुँगुर बिक्री नगर्नुहोस्: रोगी वा शंकास्पद सुँगुरको बिक्री-वितरण कहिल्यै नगर्नुहोस् — यसले रोग अर्को फार्मसम्म फैलाउने जोखिम धेरै बढाउँछ।
संक्रमण देखिएमा के गर्ने?
माथि उल्लिखित लक्षण देखिएमा वा नजिकैको क्षेत्रमा अफ्रिकन स्वाइन फिभर पुष्टि भएको खबर सुन्नासाथ, आफ्नो फार्मको जैविक सुरक्षा तुरुन्त कडा बनाउनुहोस् र नजिकको पशुसेवा शाखा, भेटेरिनरी अस्पताल वा पशुसेवा कार्यालयलाई तुरुन्त जानकारी गराउनुहोस्। ढिलो गरेर वा लुकाएर रोग नियन्त्रण गर्न सकिँदैन — छिटो सूचना दिनु नै सिंगो क्षेत्रको सुँगुर उद्योग जोगाउने बाटो हो।
एन्टिबायोटिक प्रयोग गरेको पशुको दुध र मासु
कुनै पनि रोगको उपचारका क्रममा एन्टिबायोटिक प्रयोग भइरहेको पशुको दुध र मासु, औषधीको प्रकृति हेरी अनिवार्य withdrawal period पालना गरेपछि मात्र बिक्री-वितरण गर्नुहोस्।
