खेती सुझाव
नेपालमा जैविक खेती: सुरुवात गर्ने तरिका र मुख्य फाइदाहरू
२०२६ मे २२ 7 मिनेट पढाइ
नयाँ भुरा सुरक्षित रूपमा छोड्ने तरिका
पोखरीमा नयाँ माछाको भुरा छोड्दा भरपर्दो र दर्ता प्राप्त ह्याचरीबाट रोगरहित भुरा मात्र खरिद गर्नुहोस्। भुरा रहेको प्लास्टिक ब्यागलाई पोखरीमा हाल्नुअघि २०-३० मिनेटसम्म नखोली पानीमा तैरिन छोड्नुहोस् — यसले ब्यागभित्रको र पोखरीको पानीको तापक्रम बराबर बनाउँछ। तापक्रम समान भएपछि मात्र भुरालाई बिस्तारै पोखरीमा छोड्नुहोस्।
पानीको गुणस्तर नियमित जाँच गर्नुहोस्
तापक्रम बढ्न सुरु भएकाले पोखरीको पानीको pH (६.५–८.५), पारदर्शिता र घुलनशील अक्सिजनको अवस्था नियमित रुपमा निगरानी गर्नुहोस्। आवश्यक भएमा प्रति रोपनी २०-२५ केजी चुना प्रयोग गरी पानी सन्तुलनमा राख्नुहोस्। बादल लागेको दिन पोखरीमा अक्सिजन कम हुन सक्ने भएकाले त्यस्ता दिनमा तुरुन्त एयेटर चलाउनुहोस् र माछालाई दाना दिन बन्द गर्नुहोस्।
दाना खुवाउने दर
भुरा छोडेको २-३ दिनपछि ३०-३५% प्रोटिनयुक्त दाना बिस्तारै दिन सुरु गर्नुहोस्। माछाको तौल अनुसार दैनिक शरीर तौलको ३-५% का दरले दाना दिनु उपयुक्त हुन्छ, बिहान र साँझ गरी दुई पटक खुवाउनुहोस्। रेन्बो ट्राउट माछाका लागि भने प्रति केजी शारीरिक तौलको ०.८-१.२ प्रतिशतका दरमा ४०-४५ प्रतिशत प्रोटिन भएको दाना उपयुक्त हुन्छ, र हरेक १५ दिनमा माछाको वृद्धि जाँच गर्नुहोस्।
पोखरीको डिल र वरिपरि सफाइ
अत्यधिक वर्षाका कारण पोखरीको डिल भत्कने सम्भावना हुने भएकोले समयमै मर्मत गरी क्षति हुनबाट जोगाउनुहोस्। वर्षायाममा पोखरीको डिल तथा वरपर धेरै झारपात आउने र सर्प पनि आउने भएकाले झारपात हटाई पोखरी सफा राख्नुहोस् र सर्प नियन्त्रणको लागि पासो थाप्नुहोस्।
परजीवी र रोगप्रति सजग रहनुहोस्
गर्मी तथा वर्षायाममा माछाका जुम्रा, अंकुशे किरा जस्ता परजीवीको संक्रमण बढ्ने भएकोले पोखरी सफा राख्ने र पोखरीमा परजीवीले अण्डा पार्न सक्ने स-साना हाँगा, डोरी जस्ता वस्तुलाई तुरुन्तै हटाउनुहोस्। रेन्बो ट्राउटको रेसवेमा वर्षायाममा पानी धमिलो आउन सक्ने भएकोले धमिलो पानी आएमा हप्ताको दुई पटक नुनपानीले माछा सफा गर्नुहोस्। कुनै असामान्य लक्षण देखिएमा तुरुन्त नजिकको मत्स्य प्राविधिकसँग सम्पर्क गर्नुहोस्।
